【香港好去處】赤柱聖誕市集重點推介-再嘗5大赤柱美食 - 品味新聞 | CLASSES 香港學習資訊平台

CLASSES - Release Your Potential
  • Classmate 登錄
  • 訂閱優惠
  • Classes Hong Kong Facebook

  • 首頁
  • >
  • 新聞
  • >
  • 品味
  • >
日期:2016年12月20日
【香港好去處】赤柱聖誕市集重點推介 再嘗5大赤柱美食
【香港好去處】赤柱聖誕市集重點推介 再嘗5大赤柱美食

 聖誕節就到喇,你諗好咗慶祝節目未呢?小編知道大家聖誕一定好忙,又要去Party,又要周圍去影燈飾……其實仲有一個節目,就係逛市集!聖誕節話晒都係個外國節日,逛有外國特色嘅市集就最好不過!近年香港有好多大大小小嘅市集,今年赤柱又再有聖誕市集,等小編整埋重點推介,俾你Mark低有咩必去地點啦!
 

圖:Linkreit.com

上年赤柱廣場嘅德國聖誕市集大受歡迎,小編錯過咗,一直都好後悔。估唔到今年會再搞,仲多咗個5米夢幻糖果屋,真係好吸引!今次嘅童話元素不得了,配合咗格林童話「Hänsel und Gretel」主題,場內有間1:1 糖果屋,好似真嘅德國童話村一樣。
 

圖:Linkreit.com
 
入巨型糖果屋做童話主角 試波板糖自助餐

呢座5 米高嘅巨型糖果屋絕對係受歡迎嘅影相位,粉紅小屋裡面有甜香撲鼻,踏上綿花糖般嘅軟墊;另外仲放滿咗手工波板糖,播埋動人情歌,童話feel爆燈!限定時段仲可以試埋「波板糖自助餐」,任食波板糖,真係感官大享受!
 

 
德國直送手作 Party禮物之選

交換禮物係去Party其中一個重要環節,呢個時候絕對可以令你知道邊個最肯花心思準備禮物。唔想畀人覺得你「hea」,去到呢度嗰時,不妨細心睇,揀返份啱心水,又特別嘅禮物啦!話唔定,收到嘅人以為你去咗德國旅行買返嚟架!市集裡面唔少攤位都有好多德國直送香港嘅手作同精品,地道又有特色,一睇就知唔係香港嘢,今次禮物winner仲唔係你?
 



圖:Linkreit.com


 
必食:德國傳統食物

市集裡面,除咗手作精品,又點少得德國美食呢?你又知唔知德國人聖誕節一定會食咩?就係烤鴨,估唔到市集裡面會有得食呢!另外,場內仲有其他聖誕主題嘅食物係今年第一次引入市集,記得試喇!
 


仲有豬手都係必食之選,熱辣辣係最滋味!呢間啲豬手好有咬感,唔會鬆散,一定係必食!試完鹹食,一定要試埋呢幾款甜食,嘆埋特色飲品,簡直係完美呀!
 

圖:Zodiac620、Chiangchiangbi



到時,聖誕老人都會喺市集出沒,捕捉到佢嘅話,記得要自拍喇!
 
赤柱廣場德國聖誕市集
地點:赤柱廣場天幕廣場
活動日期:2016年12月10、11、17、18日(一連兩個星期六、日)
活動時間:中午12時至下午8時
免費穿梭巴士:12nn-9pm往返金鐘、灣仔、筲箕灣及柴灣
免費穿梭船:12nn-9pm往返香港仔逸港居碼頭及赤柱卜公碼頭
更多活動詳情,可瀏覽Linkhk.com
 
行完市集,梗係要醫肚。除咗市場內嘅小食檔攤外,其實赤柱有唔少特色美食。就等小編話你知啦!
 
1. 即叫即整 熱辣辣窩夫

平時食窩夫,大多數都係坐喺度食,甚少是站著吃吧。而形狀大多是四方形,伴著雪糕等一起吃。赤柱有個窩夫大師,以做列日窩夫打響招牌。窩夫是圓形的,有多款口味,好似士多啤梨味、焦糖忌廉、香蕉朱古力、肉桂蘋果等。最近仲推出咗呢款好似聖誕樹咁嘅「草莓抹茶新地朱古力批」,勁吸睛!呢個出品同次前嘅抹茶窩夫好似。呢度嘅窩夫即叫整,口感厚實,鬆軟煙韌,有別於平時坊間食嘅鬆脆版窩夫。另外,雪糕三文治都好搶手,夾住雪糕嘅唔係麵包,而係各種口味嘅曲奇或脆片,充滿新鮮感。
 


Waffleman
赤柱佳美道23號赤柱廣場4樓407號舖
FB: https://www.facebook.com/wafflemanhk/
 
2. 一個薯條 九個味道

平時食薯條,配搭都不外乎是茄汁、芝士、牛油果醬、蛋黃醬等,但這小店竟然想出9個醬汁來配搭薯條,實在太厲害呢。這9大醬有泰式辣醬、芝士碎、芥末醬、酸忌廉、酸青瓜醬、洋蔥、Mayonnaise及煙肉等。你可以一次把9個口味都試,亦可以從中選擇3個選配,自由度大。薯條本來炸起就有些鹽,沾醬後吃,倍倍感滋味。
 

圖:LingLove@OP
 
Momentito
赤柱海濱小賣亭3號店
 
3. 聞名不如見名的大排檔

唔係掛?入到赤柱都食大排檔?你以為小編玩你,咁少年你真係太年輕喇。呢間大排檔隱藏喺一間生果檔後面,但好多人捐窿捐罅都要搵到,有唔少遊客專程嚟架。有咩咁巴閉?就係佢嘅西多士喇。呢度嘅西多士,驟眼睇上去同平時食嘅無咩大分別,但其實分別好大。西多士唔使加糖漿,而口感又比平時食嘅多士鬆軟好多,就好似食梳乎厘咁。小編好似有啲誇張喎?你去試下就知啦。點解唔使加糖漿?因為多士中間塗咗一層薄薄嘅咖央,再分別沾上蛋黃,後才沾「發起」嘅蛋白,最後才煎。食起嚟充滿住蛋香,口感軟綿綿,難怪咁多人老遠都要去食啦!
 
仲有邊度有好味多士食?睇呢度啦!
全港10款必食多士你要知



圖:cctdicky@IG、dolacious@IG
 
泗益
赤柱市場道2號
 
4. 藏身石洞嘆美食
我哋應該都無咩機會好似電視劇裡面嘅角色咁要喺山洞裡面生存10年,體驗深山野人嘅生活;但我哋可以嚟赤柱呢個石洞食返餐好嘅,了解下喺洞穴裡用餐嘅感覺。餐廳食物賣相吸引,水準亦高,因為主要廚師都曾經喺五星級酒店工作,有信心保證。


圖:艾晨yoni@OP、Stanley Cave Facebook Page
 
Stanley Cave
赤柱赤柱市場道25號 地庫
FB: https://www.facebook.com/stanleycaveHK/
 
5. 我們的童年集體回憶

行完仿德國嘅市集,又去咗現實版嘅糖果屋,有無令你想起童年呢?仲記唔記得你細嗰玩啲咩,食啲咩呢?呢間「江仔小食部」嘅老闆好有心思,將店舖裝修到好似幾十年前一樣,店內擺咗六七十代嘅黑膠封套同海報,枱面仲有綠色地磚貼紙,仲有啲可樂膠箱做檯腳……食埋生菜魚肉、魚蛋、車仔麵、菠蘿冰同孖條,真係咩童年回憶都番晒嚟啦!大家去完市集就去埋呢度,懷緬下啦!
 



圖:江仔記Facebook Page、gidepato@IG及Cammy Psl@OP
 
赤柱江仔小食部
赤柱赤柱大街118號金東閣地下A&B鋪
FB: https://www.facebook.com/stanleykongtuckshop/
 
其實赤柱仲有好多其他值得去嘅地方,有機會再同大家去多次!預祝大家聖誕快樂啦!
 
*部份市集活動之圖片由主辦單位提供

相關文章:
【香港好去處】掃食葵芳!葵廣以外10大美食
【香港好去處】西貢輕鬆hea 十間好味餐廳推介
【香港好去處】一路向北 上水隱世美食推介
【香港好去處】輕鬆搭地鐵去黃埔 食勻區內美食
【香港好去處】鰂魚涌太古打工仔注意!Lunch Dinner 好嘢食湧住嚟
【香港好去處】齊齊入荃灣 食盡地膽街坊10大推介 
【香港好去處】走入大埔密密食10個好介紹


EDITED BY CLASSES

 


新聞資訊