【飲食小貼士】你仲扔?生果皮都可以好食又好用! - 品味新聞 | CLASSES 香港學習資訊平台

CLASSES - Release Your Potential
  • Classmate 登錄
  • 訂閱優惠
  • Classes Hong Kong Facebook

  • 首頁
  • >
  • 新聞
  • >
  • 品味
  • >
日期:2016年09月20日
【飲食小貼士】你仲扔?生果皮都可以好食又好用!
【飲食小貼士】你仲扔?生果皮都可以好食又好用!

咪住!你地竟然扔哂啲生果皮?實在太浪費啦!各種生果皮用處多多,橙皮磨砂你聽過未?火龍果皮醬你又試過未?等小編話你知各種生果皮可以點食點用啦!
 
(一)香橙


第一個梗係介紹四季都有嘅橙啦。橙有好多維他命C,可以抗傷風感冒呀!但小編除左介紹一款食法,仲推薦兩款美顏妙法,自己都有用架!
 

(圖片來源:Nathala Rene Fitness)
 
1.糖漬

橙皮有豐富果膠,加糖整成糖漬,可以加長保存期限。除左當零食咬下,仲可以夾麵包或者點綴下甜品架!只要將橙皮切條,放入滾水滾5分鐘再撈起,重覆呢個動作3次後,加入砂糖,煮到水份乾哂,擺入玻璃瓶就完成啦,記得密封呀!
 
2. 磨砂
冇錯!橙皮可以磨死皮!留一塊大橙皮,將橙色一面摩擦手踭、腳踭位,捽捽下就可以促進新陳化謝,仲唔使怕傷皮膚添!
 
3. 橙皮驅蚊包
橙皮有驅蚊作用,將橙色切塊,裝入香袋,掛喺窗邊或擺係身上面,仲可以助眠同埋去異味添呀!
 
(二) 火龍果皮

火龍果皮有花青素,可以抗氧化,比起食紅蘿蔔有用十倍呀!咩話?太難食?即刻教你三招!


(圖片來源:網上圖片)

(一)榨汁
將火龍果皮加砂糖或蜜糖,再自由加自己鍾意嘅配料(如:檸檬汁),再拎去榨汁,咁就搞掂哂~返工出街都可以帶一枝啦!
 
(二)沙津
將果皮切絲再用糖加醋醃一醃,整沙津時就可以撈埋佢一齊食啦~酸酸甜甜,包冇哂苦味呀!
 
(三)果醬
將果皮用攪拌機打碎,再加峰蜜同檸檬汁,就變成好香嘅果醬……呀,係果皮醬先真呀!
 
仲有好多其他生果嘅皮都可以食又可以用,大家一齊同Classes去發掘吓啦!

相關文章:
DIY生果小食健康得嚟又解口痕!

Edited by CLASSES



新聞資訊