「MarioX大富翁特別版」超過癮!教你挑戰新玩法搶金幣! - 品味新聞 | CLASSES 香港學習資訊平台

CLASSES - Release Your Potential
  • Classmate 登錄
  • 訂閱優惠
  • Classes Hong Kong Facebook

  • 首頁
  • >
  • 新聞
  • >
  • 品味
  • >
日期:2017年09月01日
「Mario X 大富翁特別版」超過癮!教你挑戰新玩法搶金幣!
「Mario X 大富翁特別版」超過癮!教你挑戰新玩法搶金幣!
 
Mario 同 Monopoly 大富翁一樣係大家嘅童年回憶,估都估唔到兩者竟然合體,變成《Gamer 冒險大挑戰》!你以為只係 Mario 外型嘅大富翁? nono ~連玩法都好唔同,即刻睇吓新玩法有幾過癮啦!
 
《Gamer 冒險大挑戰》有分基本版同典藏版,只有基本版出咗中文譯本咋,但典藏版真係靚仔好多,大家會點取捨呢?(謎之聲:不如買哂兩套啦嘿嘿嘿…)


 
同普通 Monopoly 一樣,每人都要拎一隻棋。毫無意外,棋子當然係 Mario 嘅角色啦!


 
基本版有齊以上八個經典Mario人物,小編最鍾意始終都係怕羞仔幽靈 Boo,最憎就係救極都救唔到嘅公主 Rosalina(仲要好似 Elsa)!每個角色都有特殊能力,可以應用到遊戲入面。但講到最威武嘅角色,基本版就滿足唔到你啦!因為…...
 
登登登櫈!就係庫巴啦!係咪好兇狠呢!用佢嚟玩,一定惡過胖虎!
 

 
連地圖都係 Mario 嘅場景同元素,連水管都有~當然唔少得無敵星星啦!事不宜遲,即刻教大家點玩:



《大富翁 Gamer 冒險大挑戰》同平時嘅 Monopoly 最大嘅分別在於勝利方法!大家再唔使搶地搶錢,而係要鬥分數!大家要通過儲夠實力挑戰唔同 Boss 卡,而每隻 Boss 都有唔同嘅挑戰要求、戰力、分數同獎勵。
 
首先,大家要揀一隻角色。除咗揀樣,每個角色都有唔同能力,分為「無敵星能力」同「特殊能力」。「無敵星能力」要行到地圖上嘅無敵星星一格先可以發動;而「特殊能力」就要靠呢隻 Game 嘅功能骰啦!
 
每個玩家每次行動時都會擲兩粒骰,一粒係普通步數骰,而另一粒就係功能骰啦!擲中唔同功能就可以發動,功能包括:



1.      紅龜殼:揀選一位玩家,命令佢於自己位置扔低3粒金幣。(之後有人踩中該格就可以執走啲錢)
2.      綠龜殼:企你前面嘅玩家要於自己位置扔低3粒金幣。如果咁啱兩個企埋同一格,你就可以揀其實一個受罰。
3.      金幣:銀行送你3粒金幣。
4.      魷魚:隨意偷一個玩家2粒金幣。
5.      POW 磚:全部玩家要於自己位置扔低3粒金幣。
 


地圖上有幾種版圖,例如地產,玩法同大富翁一樣,初次路過可以買地,其他人路過就要罰錢。
 
咁玩到幾時先完呀?只要有人可以擊敗終極Boss庫巴,咁就 Game Over 啦!將現金、Boss卡、地契全部轉成分數,拎到最高分嘅玩家就會勝出啦~
 
完整玩法:

睇完係咪好想快啲入手玩返副呢?快啲約埋朋友一齊決戰啦!

資料及圖片來源:polygon、gamme
 
相關文章:
去到邊刮到邊!超型格刮刮世界旅行地圖!
宮崎駿動漫迷注意!吉卜力動畫將建主題遊樂園!
 

EDITED BY CLASSES



新聞資訊