食肥肉吸脂肪反而減肥?你相信生酮飲食法嗎? - 健康新聞 | CLASSES 香港學習資訊平台

CLASSES - Release Your Potential
  • Classmate 登錄
  • 訂閱優惠
  • Classes Hong Kong Facebook

  • 首頁
  • >
  • 新聞
  • >
  • 健康
  • >
日期:2017年11月01日
食肥肉吸脂肪反而減肥?你相信生酮飲食法嗎?
食肥肉吸脂肪反而減肥?你相信生酮飲食法嗎?

最近非常流行生酮飲食法(Ketogenic Diet),主張攝取大量脂肪、少量蛋白質、極少量碳水化合物,從而達到減肥效果,仲聲稱非常健康,絕對唔係旁門左道……你相信咁樣嘅飲食方法嗎?一齊睇睇生酮飲食法到底係咩一回事!



生酮飲食法提倡以脂肪代替碳水化合物,每日攝取脂肪應高達80%,而碳水化合物唔應該超過5%。有人甚至認為應該完全唔吸收任何澱粉質,即係飯、麵、粥、薯、包類完全不沾。
 
一般攝取「正常量」碳水化合物嘅情況下,碳水化合物會轉化成單醣,而人體會將所需量轉化成能量,其他多餘嘅單醣就會變為脂肪。而生酮飲食法就係透過減少吸收碳水化合物,大量減少單醣,自然會減低單醣變為脂肪嘅機會。同一時間,肝臟會將攝取嘅脂肪轉換成酮體,再轉化成能量。



聽落好似好理想,但決定你係咪使用生酮飲食法之前,首先要知道以下資訊:
 
1.    攝取脂肪不代表猛食肉
 
雖然生酮飲食法強調可以食脂肪,但攝取脂肪唔代表放縱自己狂食肥肉。脂肪有兩種:好嘅叫飽和脂肪,例如牛油果、純牛油等都係好脂肪,有研究相信飽和脂肪有助降低體脂肪及心血管疾病;而壞脂肪叫不飽和脂肪同人造反式脂肪,炸物、肥膏等都係壞脂肪,會提高罹患冠狀動脈心臟病嘅機率。因此大家要食多啲堅果類、低脂芝士、純牛奶等,仲有食多嘅蔬菜,而唔係一味食肉。
 

 
2.    有副作用
 
首先咁做會對肝臟造成負擔。先前提過,由於人體冇再吸收澱粉質,會迫使肝臟運作,負責將脂肪轉換成酮體,取代葡萄糖。無錯,呢個過程中,胰臟嘅工作量雖然減輕,但同時肝臟嘅工作量加大,因此有人認為用肉代替碳水化合物只係「挖東牆補西牆」。
 
另外,食慣澱粉質嘅人,如果突然停止吸收碳水化合物,身體會難以適應,發出警告訊號,例如頭暈、抽筋、血糖急降等。而生酮飲食法中會快速減走身體大量水份,容易造成脫水。
 
減肥、控制血糖嘅方法有好多種,生酮飲食法會係最適合你嘅方法嗎?

 
圖片來源:NPR、Globalhealthz、elpasobackclinic
 
相關文章:
全脂奶反而比低脂奶好?原來高鈣低脂奶唔係鮮奶!
 

EDITED BY CLASSES



新聞資訊