雪糕控福音!?日本研究指朝早食雪糕令人更聰明! - 健康新聞 | CLASSES 香港學習資訊平台

CLASSES - Release Your Potential
  • Classmate 登錄
  • 訂閱優惠
  • Classes Hong Kong Facebook

  • 首頁
  • >
  • 新聞
  • >
  • 健康
  • >
日期:2017年07月06日
雪糕控福音!?日本研究指朝早食雪糕令人更聰明!
雪糕控福音!?日本研究指朝早食雪糕令人更聰明!

冇人可以再阻止我哋食啦!因為日本研究話每朝食一杯會令人反應更快!工作效率更高!睇吓堅定流先!
 


日本杏林大學心理生理學教授古賀良彦(Yoshihiko Koga)做咗一項研究,結果表示,早餐時食會提高人嘅反應能力同心智表現。因為食雪糕可以幫助腦波活動,但研究人員仍然未雪糕邊啲成分可以影響腦波。
 

 
喺實驗中,教授將一班人分成兩組,A組一起身就即刻食雪糕,而B組就唔可以食雪糕(教授我要做A組!!)。一段時間之後,兩組人一齊喺電腦做一連串心理測試。結果發現,有食雪糕嘅A組明顯有較快嘅反應時間,而且處理資料嘅能力亦較好。
 
再睇埋A組嘅腦部活動,佢哋嘅高頻alpha波增多,呢種腦波係關乎提高警覺性嘅提高同減少精神刺激,令人工作時可以專注力提高,做野都快啲。
 

 
咦?會唔會係凍嘅關係呀?研究人員再用冰水代替雪糕,結果腦波活動比一般狀態下都活躍咗少少,但就完全比唔上食雪糕嘅效果啦。
 

 
拿拿拿,唔好咁急去買一大堆雪糕住,雖然呢項研究指明雪糕有助腦力提升,但教授都話未確定腦力嘅提升同雪糕邊種特有成分有關係。如果急急腳就日日食雪糕,小心變成聰明嘅肥仔呀!(咦?)

圖片來源:zomato.com、Haagen-Dazs、IGN.com、Time Out

相關文章:
飲湯一定好健康?原來湯水都有健康陷阱!
心理學研究減肥新招!餐具顏色影響減肥成效?
原來荔枝唔可以亂食!食荔枝小心有「荔枝病」!

EDITED BY CLASSES

 
 


新聞資訊