細菌多過馬桶!注意屋企四個隱藏積菌位! - 健康新聞 | CLASSES 香港學習資訊平台

CLASSES - Release Your Potential
  • Classmate 登錄
  • 訂閱優惠
  • Classes Hong Kong Facebook

  • 首頁
  • >
  • 新聞
  • >
  • 健康
  • >
日期:2017年10月09日
細菌多過馬桶!注意屋企四個隱藏積菌位!
細菌多過馬桶!注意屋企四個隱藏積菌位!

清潔時好容易忽略某啲部位,原來積菌情況仲勁過馬桶!即刻Check吓自己有冇Miss咗以下四個部位!

1.      搖控器& 鍵盤



搖控器同鍵盤日摸夜摸,好易積菌!台灣曾經有一項研究指出電視用嘅搖控器大部份都留有感冒菌。抵抗力差少少都好易中招!記得喺搖控器同鍵盤附近唔好食野,避免食物渣滓跌入縫隙位,難發現又難清潔!
 
2.      洗手盤



諗住洗手盤日又沖水、夜又沖水,一定夠哂乾淨啦!未必。大家都以為洗手盤成日都「被清洗」,所以唔使再特別。其實好多時食物殘渣同油漬會粘喺洗手盤內壁,容易滋生同積聚沙門氏菌同大腸桿菌。唔想搞肚痛,就要注意洗手盤嘅清潔啦!
 
3.      牙刷



作為每日嘅清潔工具,其實會沾染好多人體口腔細菌。等到第二日,你又將佢擺入口……真係諗起都恐怖呀!建議大家每兩個月換一次牙刷,同埋將牙刷擺喺較乾燥嘅地方,並遠離馬桶。因為沖廁所時會濺出廁所水,唔想刷牙時食到廁所水?就要將牙刷擺高啲啦!
 
4.      洗衣機



洗衣機長期處於潮濕狀態,好易產生霉菌!每次洗完衫後,記得打開洗衣機蓋,俾佢通吓風。定時定候,仲要記得清潔洗衣機。大家可以買個洗衣機用嘅清潔波波,扔入去再開一次機,好快就乾淨哂啦!
 
圖片來源:Omni Dental Centre、huffingtonpost、goodhousekeeping、Ahh-Some


相關文章:
室內晾衫等於慢性自殺!原來肺部會粘滿徽菌!
生暗瘡可能因為枕頭積菌!教你清洗枕頭三大原則!

EDITED BY CLASSES



新聞資訊