大學研究震驚全宇宙家長!聞迷迭香可以增強記憶力? - 健康新聞 | CLASSES 香港學習資訊平台

CLASSES - Release Your Potential
  • Classmate 登錄
  • 訂閱優惠
  • Classes Hong Kong Facebook

  • 首頁
  • >
  • 新聞
  • >
  • 健康
  • >
日期:2017年05月19日
大學研究震驚全宇宙家長!聞迷迭香可以增強記憶力?
大學研究震驚全宇宙家長!聞迷迭香可以增強記憶力?

「想小朋友考試有好成績?索一索佢咪得攞!」嘩,索咩呀?!原來係英國《每日郵報》報導,有研究人員發現迷迭香嘅氣味有效喚醒記憶,同埋增強記憶力。對小朋友同大人都好有用,索一索舒筋活絡,咁以後班家長就唔使迫啲小朋友食聰明藥啦!


(圖片來源:oli_wanderlust@ig)
 
原來遠在古希臘時期,當時嘅學者已經相信迷迭香(Rosemary)可以幫助記憶。而莎士比亞更曾經喺頭盔上刻上”Rosemary, that's for remembrance”(迷迭香,為了回憶),可見連大文豪都知道迷迭香有幾犀利。最近Northumbria University指出,過往已有研究發現迷迭香精油可以增強成人的記憶力,經研究後,更確定連小朋友都work,可以幫佢哋喚醒回憶。
 

(圖片來源:oli_wanderlust@ig)
 
計小編話,俾小朋友聞完,仲要煮餐好餸!小朋友開心,自然學野都順手啲~
用迷迭香整轉轉烤雞你試過未?檸檬香草轉轉烤雞
 

(圖片來源:TripAdvisor@ig)
 
Northumbria University對40名10至11歲的學童進行研究,將他們分別安排於無氣味的房間,以及有迷迭香的房間內進行一連串測驗。研究發現有迷迭香氣味的房間內,學童的測驗成績表現明顯較佳,當中以記憶文字的測驗表現最突出。
 
進行實驗嘅Dr Mark Moss表示:「迷迭香可能影響到腦部活動,但如何發揮作用則有待證實。呢個可能係一個最簡單及符合成本效益的方法,直接幫助學業成績較差嘅學童。」
 
如果研究得到進一步證實,最開心可能係一班繁忙兒童喇。以後考試前聞一聞迷迭香,老師講過啲乜嘢都全部即刻番晒嚟!
 
相關文章:
心理學研究減肥新招!餐具顏色影響減肥成效?
食太多紅蘿蔔會令皮膚變黃? 破解3大食物迷思!
 

EDITED BY CLASSES

 


新聞資訊