分析-搵工-轉工-辭職-招聘-做大公司定Startup好?即睇五大重點分析! - 進修新聞 | CLASSES 香港學習資訊平台

CLASSES - Release Your Potential
  • Classmate 登錄
  • 訂閱優惠
  • Classes Hong Kong Facebook

  • 首頁
  • >
  • 新聞
  • >
  • 進修
  • >
日期:2018年08月21日
做「大公司」定「Startup」好?即睇五大重點分析!
做「大公司」定「Startup」好?即睇五大重點分析!

制度
大公司由於員工多,業務又多,當然要定立好多制度去幫手管理,以免搞到公司好混亂。但制度多真係有好有唔好,好嘅就係做哂都有哂指引,冇咁易撞板;唔好就係遇到緊急情況,都冇得彈性處理!相反,Startup業務比較少,做嘢就會相對自由,好多時老細都會容許員工彈性處理唔同業務,但弊處就係啲嘢好亂,乜都要自己搞返好!

人工
大公司加人工通常都會就住就住,特別係上市公司,仲要對得住股東。每年基本上都加一千幾百,唔會有咩大增長。不過,如果係Startup,公司好多時為咗留住人才都願意加多少少,因為冇左一個好員工對Startup影響係好大!
 
同事關係
大公司每個員工嘅岡位都好清楚,大家各自為政,相對冇咁多接觸。雖然關係冇咁密切,但少接觸都減少工作上嘅衝突。而Startup好多時工作性質分得冇咁仔細,好多嘢都要同同事夾,要一齊傾,有機會增加磨擦!但如果你同同事好夾得埋,就會變成「拍住上」,唔單止係同事關係,仲會做到好朋友!

晉升機會
大公司職位等級分得好清楚,亦好明確睇到晉升前景,但通常做得大公司嘅中層或者高層都冇咁易走,有機會長期俾人霸住而升唔到職。相反,細公司冇咁多職位,升職都可能只係升到一級,但會相對容易晉升,因為老細好明確知道你做唔做到嘢!
 
滿足度
大公司一般都係收老細Order就做嘢,發揮空間唔會好大。但就會多啲同事分擔工作,做得輕鬆啲!而Startup做Project都要由零開始,由諗橋、買物資、Book場,落場…全部都係幾個同事做哂,做咩都要親力親為。辛苦就一定架啦,但係做得成功嘅話,呢份滿足感係大公司體驗唔到!


你又點睇呢?


 合作平台:

cpjobs.com 香港網上招聘平台 
前身為廣為人知的ClassifiedPost.com。
全港首個網上招聘平台利用「人工智能技術」進行預測及分析,準確地將職位空缺與求職者聯繫起來!


EDITED BY CLASSES



新聞資訊