入職幾年嘅你,鐘聲響起辭職的訊號? - 進修新聞 | CLASSES 香港學習資訊平台

CLASSES - Release Your Potential
  • Classmate 登錄
  • 訂閱優惠
  • Classes Hong Kong Facebook

  • 首頁
  • >
  • 新聞
  • >
  • 進修
  • >
日期:2018年06月01日
入職幾年嘅你,鐘聲響起辭職的訊號?
入職幾年嘅你,鐘聲響起辭職的訊號?

畢業後做嘅第一份工,可能都唔識判斷份工好唔好,又做咗一年半載係咪應該都轉下新環境呢,To辭or not to辭,其實除咗人工之外,有五個要素都好重要。即刻Check下係咪要劈炮唔撈啦!

1. 返工等放工

新一代好多時都驚返工悶,覺得日日如是,個腦好似唔駛點郁都做到嘢咁,返工等放工嘅感覺,明明初入職係雷超,做做下竟然退化返做比卡超。一份冇挑戰性嘅工係會令人冇哂動力同衝勁,咁同條鹹魚有咩分別?如果唔係等退休都應該早就早著,以免再做下份工嗰陣就脫哂節!
 
2. 唔當你係人

唔係話當你係狗,而係當你機械人,日日俾啲機械式嘢你做,冇同你傾過你嘅未來發展,雖然好多人都覺得老細唔俾鑊你孭已經算係咁,但其實唔清楚自己做緊乜,都會因為唔真正了解份工而令自己中伏!
 
3. 個個都扮聾

雖然老屎忽成日都「袋錢入你袋」,但有時作為新仔嘅你都想對公司有啲貢獻,但講嘅意見通通都Ban哂!小編就曾經見過有位同事發表完意見後,冇一個上司應,直頭好似暫時性失聰咁,一個月後就冇再見過個同事啦!

4. Work-Life Imbalance

唔知點解總有啲同事當公司就係屋企,成日都OT,但作為8/90後嘅你,又點可以將呢個文化傳承落去!如果你公司日日都強制你OT,唔好話休息,就連想學嘢增值自己都冇時間,直接影響未來嘅升遷!
 
5. 同事都戴面具做人

返緊工嘅你都可能會戴住面具做人,唔會好似讀書嗰陣咁真誠,好彩就同事都冇乜心計,最多都係唔敢表露真感情。唔好彩嘅就可能係偽君子,日日是非不斷又明爭暗鬥,返工尢如上鬥獸場,唔係你死就我亡,就算唔死都遍體鱗傷。咁嘅話,請你早走早著,如果唔係你自己都會成為一份子!
 
睇完之後如果你覺得好有共鳴,咁應該係時候辭職了!

相關文章:
面試問題問得好-令面試官對你印象分大增!
不要負評!七個職場禁忌你要知!
30個職場英文簡寫-你睇得明幾多個?
職場提高效率必備!活用WORD五大排版快捷功能!
咪再用Best Regards!十大Email結語用法皆不同!


 合作平台:

cpjobs.com 香港網上招聘平台 
前身為廣為人知的ClassifiedPost.com。
全港首個網上招聘平台利用「人工智能技術」進行預測及分析,準確地將職位空缺與求職者聯繫起來!


EDITED BY CLASSES



新聞資訊