【牛大媽買餸教學】蘋果要唔香先脆!? - 烹飪新聞 | CLASSES 香港學習資訊平台

CLASSES - Release Your Potential
  • Classmate 登錄
  • 訂閱優惠
  • Classes Hong Kong Facebook

  • 首頁
  • >
  • 新聞
  • >
  • 烹飪
  • >
日期:2018年07月03日
【牛大媽買餸教學】蘋果要唔香先脆!?
【牛大媽買餸教學】蘋果要唔香先脆!?
蘋果絕對係我最鍾意食嘅生果,所以喺揀蘋果方面我都略有研究不過人人口味唔同,有人鍾意食粉嘅蘋果,而我就鍾意口感實淨爽脆嘅,咁點先知個蘋果係粉定脆?
               
太香唔爽脆

首先要拎上手輕輕按一按個蘋果,夠硬身就多數爽脆。之後就要用鼻聞一聞,如果聞落有淡淡清香散出來,代表個蘋果都熟熟哋,要即日或翌日食;如果係聞落有非常濃郁嘅香味,代表個蘋果已經過熟,咁就會唔脆了,比較適合用來整甜品,例如蘋果批。當然呢個只係指大多數,亦都有某D當造靚品種嘅蘋果,係又香又甜又爽脆。



12次蘋果當造期

好多人都唔知,以為蘋果係「四季果」,其實蘋果都有「當造期」架。每年11月到隔年2月左右,就係北半球蘋果嘅當造期,多數係美國、日本同中國出產的;而4月至6月就到南半球生產嘅蘋果當造,以智利同新西蘭種植的居多。呢兩段時間內,蘋果嘅品質通常較好,品種選擇都較多。



我的最愛蘋果牌子

源自新西蘭嘅「Envy」就係我的最愛,以我食咗呢種蘋果超碼4、5年嘅經驗,99%嘅「Envy」都係又甜又爽脆,而且有非常濃郁嘅蘋果香,即使擺耐咗,口感都唔會變到粉。我上網查過呢個牌子,原來佢喺北半球同南半球都有種植,所以兩個蘋果當造期都有佢份。一分錢一分貨,大size的好多時正價都要十幾蚊一個,有時特價都平均都要9-10蚊,不過我個人就覺得比起幾十蚊一個嘅日本蘋果來得更值。



(利申:絕非廣告,冇收錢架!)

資料及圖片來源:牛大媽教買餸

 

Guest writer – 牛大媽教買餸 Guest Writer – 牛大媽教買餸
要煮嘢好食,首先材料要好!林林總總嘅食材究竟點分好唔好,即刻等牛大媽帶路買好西煮好餸啦!


EDITED BY CLASSES



新聞資訊