教你一招染髮小秘技!加兩滴就令髮色更持久! - 美容新聞 | CLASSES 香港學習資訊平台

CLASSES - Release Your Potential
  • Classmate 登錄
  • 訂閱優惠
  • Classes Hong Kong Facebook

  • 首頁
  • >
  • 新聞
  • >
  • 美容
  • >
日期:2017年10月23日
教你一招染髮小秘技!加兩滴就令髮色更持久!
教你一招染髮小秘技!加兩滴就令髮色更持久!

染髮最緊要係咩?梗係髮色夠持久!小編搵到一個小妙招,只要喺染髮劑加上呢樣野……就唔怕一個星期就甩色!而且呢樣野人人屋企都有,又平又易搵!
 
近日韓國一個節目分享咗一個令染髮顏色更持久嘅方法,非常神奇!仲有實試結果證明真係有效添!
 
你冇睇錯!係加食油!只要先將染色劑調好色,再加一茶匙食油,再攪勻,已經大功告成!


 
染色劑即刻變得光滑不少~呢個時侯就可以爽快咁抹落頭髮上啦!


 
點證實咁做可以令髮色更持久先?唔怕,韓國節目搵埋兩個黑面嘅假人頭model嚟試一試!首先當然係細心地幫佢哋塗上染髮劑~左邊係冇加食油,而右邊有加。


 
染完之後,大家睇到兩個model嘅髮色差唔多。


 
跟住……就係工作人員搏老命咁用洗頭水洗兩頂假髮,反復洗足20次,非常落力(笑)。畫面非常奇怪,小編愈睇愈覺得似兇殺案呀喂!


 
左邊畫面見到,冇食油保護嘅頭髮顏色好易就甩哂出嚟;相反,另一邊雖然都有甩色,但明顯甩少好多。


 
呢張圖就睇到兩頂假髮嘅甩色情況啦……咁到底髮色又會變成點呢?


 
吹乾頭髮後,兩位model仍然詭異地黑面中,而右邊加咗食油嘅髮色的確係明顯少少嘅……喂喂,但好似都係差唔多咋喎……咪住!睇埋再一張圖先!
 

 
嘩!下面呢張圖就夠哂分明啦!左邊好似染完兩個月咁,啲色一撻撻,好核突呀!而右邊Keep住顏色均勻,至少睇唔到黑色先!


 
睇睇完整片段:


睇嚟呢招真係幾有效,唔會染完一個星期後就見到「二重天」……大家快啲DIY染髮試吓啦!
 
資料&圖片來源:TVCHOSUN
 
相關文章:
【頭髮教學】亂洗頭易甩頭髮!教你避開五大洗頭禁忌
成日捱夜會出斑?教你分清太陽斑、雀斑、黃褐斑!
 

EDITED BY CLASSES



新聞資訊