成日捱夜會出斑?教你分清太陽斑、雀斑、黃褐斑! - 美容新聞 | CLASSES 香港學習資訊平台

CLASSES - Release Your Potential
  • Classmate 登錄
  • 訂閱優惠
  • Classes Hong Kong Facebook

  • 首頁
  • >
  • 新聞
  • >
  • 美容
  • >
日期:2017年09月13日
【美容教室】成日捱夜會出斑?教你分清太陽斑、雀斑、黃褐斑!
【美容教室】成日捱夜會出斑?教你分清太陽斑、雀斑、黃褐斑!
 
被太陽日日曬到正,出現色斑一啲都唔奇!問題係:對付唔同色斑,你知唔知有啲咩分別?等 CLASSES 話你知色斑有邊幾種,等大家對症下藥啦!
 
1.    雀斑


 
雀斑算係最常見嘅色斑,呈啡色、散佈於表皮層。通常會出現蘋果肌、肩頸、手背、背脊等位置。有人先天已有雀斑,而後天出現雀斑就同日曬有關:日曬後雀斑會增多同愈漸深色。但其實過一段時間,顏色就會慢慢減淡,唔需要特別處理,就好似曬黑嘅皮膚會自然變白一樣。當然,如果想加快復原速度,可以搽啲自然美白嘅面霜。
 
2.    太陽斑


 
太陽斑多數出現喺中年及老年人身上,呈深啡色,面積會比雀斑稍大,以片狀形式出現。最初只會有一至兩片色斑,如果唔處理,就會聚集式出現太陽斑。太陽斑一樣係因為日曬而成,而且只生於表皮層,所以搽美白產品可以有效減退太陽斑。不過太陽斑較雀斑更頑固,所以大家要持之以恆,俾啲耐性等佢消失啦!
 
想有效減退色斑?即睇:
夏天好易曬出斑!教你三招淡化色斑技巧
 
3.    黃褐斑



通常孕婦、服食避孕丸、荷爾蒙補充劑、長期曝露於紫外光下嘅人士都會出現黃褐斑。另外精神緊張、經常捱夜都會較易產生黃褐斑。黃褐斑面積普遍較大,並出現於兩邊面頰,黑色素會分佈於表皮層或真皮層。一但生咗喺真皮層,其實再搽美白產品都無補於事。如果成因係因為荷爾蒙影響而產生,例如懷孕或服食藥物,其實唔使過份擔心,因為荷爾蒙變返正常時,黃褐斑會自然減退。如果係生活習慣唔好,咁就要調整生活節奏,休息多啲啦!
 
識得分清各種色斑之後,唔好再乜都亂搽美白產品啦!要對症下藥先有用架!快啲分享俾朋友知啦!
 
資料來源:仁安醫院
圖片來源:Autodo、A Little Londoner


相關文章:
防曬指數SPF愈高愈好?教你五招夏天防曬攻略!

EDITED BY CLASSES



新聞資訊